AGPI - Asociación Galega de Profesionais da Ilustración

London
Antonio Seijas

Buscador de Ilustradores

Listado de ilustradores

Noticias

Mostra sobre José María Cao Luaces

04/05/2016


A mostra "José María Cao Luaces, un galego patriarca da caricatura arxentina" inicia na Biblioteca Ánxel Casal de Santiago de Compostela un percorrido polas catro provincias galegas para poñer en valor a obra deste debuxante imprescindible na historia da ilustración e caricatura galega, a pesar de ser un gran descoñecido na súa terra.

A mostra reúne unha escolma de 40 caricaturas a través das que se poñen de manifesto as distintas etapas polas que pasou o seu creador.

Cao Luaces nado en Cervo en 1862, comezou traballando na fábrica de Sargadelos deste concello lucense. Con 25 anos emigrou a Buenos Aires. Alí, logo dunha amplísima e prolífica traxectoria en diferentes publicacións da capital porteña, o artista galego acadará prestixio internacional e será recoñecido como “patriarca da caricatura arxentina”. Co seu influxo indirecto, Castelao creará a moderna escola galega de humor gráfico.

Podedes visitar a mostra en:
> Biblioteca Ánxel Casal (Santiago de Compostela) >> 4 de maio-11 de xuño
> Biblioteca Pública Antonio Odriozola (Pontevedra) >> 14 de xuño -10 de xullo
> Sala José Ángel Valente (Ourense) >> 12 de xullo-7 de agosto
> Biblioteca Pública de Lugo >> 2-28 de setembro
> Casa da Cultura de Melide >> 30 de setembro-25 de outubro
> Biblioteca Pública Miguel González Garcés (A Coruña) >> 27 de outubro-27 de novembro
> Sala de exposicións de Sargadelos en Cervo >> 29 de novembro-20 de decembro.

A Asociación de Escritores premia cinco humoristas gráficos

07/02/2013

A AELG (Asociación de Escritores en Lingua Galega) acordou na súa última asemblea, desenvolvida a fin de semana pasada, outorgar a súa distinción «Os Bos e Xenerosos» ao humorismo gráfico, personificado en cinco dos máis veteranos da disciplina en Galicia: Gogue, Pepe Carreiro, Xaquín Marín e os nosos socios Siro e Xosé Lois.

A homenaxe «Os Bos e Xenerosos», que chega á súa décima edición, supón, segundo os seus organizadores, «un acto de estudo e recoñecemento dunha figura ou colectivo que, pola súa dilatada actividade de intervención social, contribuíse á difusión da nosa cultura».

Calendario 2013 de David Pintor

02/11/2012

Está xa dispoñible o calendario que o noso socio David Pintor preparou para o ano 2013. As súas ilustracións están dedicadas á literatura universal; aparecen, así, escritores como Sartre, Clarice Lispector, Cela ou Cervantes. A publicación corre a cargo de Bululú, editora relacionada coa coruñesa libraría Cascanueces.

Na web desta última podemos encontrar o vídeo time-lapse da realización do mural que decora exteriormente a libraría, obra tamén de David Pintor.