AGPI - Asociación Galega de Profesionais da Ilustración

Fa
Quico

Buscador de Ilustradores

Listado de ilustradores

Noticias

XIV Encontro Galego de Ilustración

13/10/2017


.
O sábado 28 de outubro terá lugar o XIV ENCONTRO GALEGO DE ILUSTRACIÓN, que, como cada ano, organiza a AGPI, na sede Afundación de Santiago (rúa do Vilar, 19, Santiago de Compostela)

As actividades matinais son abertas a todo o público interesado, e completamente gratuítas.

:::::::::: PROGRAMACIÓN MAÑÁ ::::::::::

· 10:00 RECEPCIÓN

· 10:30 PRESENTACIÓN OFICIAL DO ENCONTRO

· 10:40 PRESENTACIÓN DA NOVA WEB DE AGPI

· 11:00 AVENTURAS E DESVENTURAS (da profesión do ilustrador) Mar Malota contaranos unha serie de reflexións acerca da profesión do ilustrador desde o seu punto de vista e baseadas na súa experiencia como ilustradora profesional.

·········· 12:30 DESCANSO ··········

· 13:00 CANDO A ILUSTRACIÓN ATOPA O CINEMA Giovanna Lopalco falará do proceso de creación nun filme de animación, de como a linguaxe da ilustración e dun ilustrador se adapta a outro medio, como é o cinema.

· 14:00 FOTOMATÓN (Foto grupal da man de Óscar Villán)

:::::::::: PROGRAMACIÓN TARDE :::::::::: (exclusivo socixs)

· 14:30 XANTAR DE CONFRATERNIZACIÓN (con inscrición previa) RESTAURANTE O AFIADOR, rúa de San Pedro, 28

· 17:00 ASEMBLEA XERAL DE SOCIOS DA AGPI
Sede Afundación (rúa do Vilar, 19, Santiago de Compostela)

· 19:00 FINALIZACIÓN DA ASEMBLEA

Chega o XIII ENCONTRO GALEGO DE ILUSTRACIÓN!

19/10/2016

.
Temos todo preparado para a
XIII edición do Encontro Galego de Ilustración, que decorrerá baixo a organización de AGPI, o próximo sábado 29 de outubro, no auditorio do CGAC - Centro Galego de Arte Contemporánea ( Valle Inclán, 2 - Santiago de Compostela )

Este ano o Encontro acolle dúas interesantes charlas no CGAC: de BambinoMonkeyXosé Vizoso.

:: 11:20 BAMBINOMONKEY [Animación/Publicidade]
Ignacio Maroto, experto en deseño de personaxes, falará da súa traxectoria e traballo, cunha breve sesión de pintura dixital en directo.

:: 13:00 XOSÉ VIZOSO [Produto/Cartel/Editorial]
A través dun coloquio co autor faremos un percorrido polo seu traballo como deseñador en Sargadelos, cartelista e ilustrador.

Sábado 29 de outubro a partir das 11:00 h.
Auditorio do CGAC- R/ Valle Inclán, 2
Santiago de Compostela

:: Podedes descargar o programa completo aquí ::

#Encontro2016

Bosquexo 2016, edición Magosto

30/09/2016


Abriuse esta semana a inscripción ó Bosquexo, edición
Magosto 2016.

Bosquexo é un festival internacional de debuxo do natural, no que 20 debuxantes conviven e debuxan no entorno rural de Senderiz, unha tranquila localidade situada no Parque Natural de Sierra do Xurés.

Este ano propoñen unha edición con motivo do Magosto, do 14 ó 16 de outubro. O custe é de 100€, con pensión completa e tódalas actividades incluídas.

XII Encontro Galego de Ilustración

23/10/2015


Cartel do Encontro, ilustrado por Sagar Forniés
O vindeiro sábado 31 de outubro decorrerá o XII Encontro Galego de Ilustración, que, como cada ano, organiza a AGPI. Esta edición ten como novidade o cambio de lugar, que serán na Aula magna da Hospedería San Martín Pinario (praza da Inmaculada, 3, 15704 Santiago de Compostela, a carón da praza do Obradoiro). Novamente, as actividades matinais son abertas a todo o público interesado, e completamente gratuítas.

O Encontro comezará ás 10:00 coa presentación, que dará paso ás 10:10 á charla do primeiro convidado, o ilustrador Puño, titulada «Ilustrando ayer, hoy y quién sabe si mañana». Nela, Puño percorrerá a liña temporal do oficio de ilustrador, tanto desde unha perspectiva global como desde a súa persoal.

Despois dunha pausa, ás 12:00 será o momento da charla de Sagar Forniés, «De la calle al estudio». Para Forniés, o debuxante ten un compromiso por entender e explicar aquilo que o rodea a través do debuxo; o ilustrador explicará como leva anos debuxando do natural e buscando a forma de dar unha segunda vida a ese traballo.

Xa ás 13:30, para terminar, farase a presentación do novo catálogo da AGPI, Novas olladas sobre os clásicos universais.

A partir das 14:00, os actos pasarán a ser xa para os socios da AGPI (o tradicional Fotomatón —foto de familia con todos os presentes—, o xantar e mais a asemblea xeral da asociación).

O XII Encontro Galego de Ilustración conta coa colaboración da Consellería de Cultura da Xunta de Galicia e mais da Deputación da Coruña. Pode encontrarse toda a información do programa neste enlace (PDF, 2,18 MB).

Grande afluencia de público no
XI Encontro Galego de Ilustración

27/10/2014


Foto: Óscar Villán
O sábado tivo lugar en Santiago de Compostela a undécima edición do Encontro Galego de Ilustración, que contou desde a primeira hora co aforo practicamente completo (chegaron a contabilizarse 80 persoas). Na imaxe, o tradicional Fotomatón na praza da Quintana co boa parte dos asistentes. Máis imaxes do XI Encontro, nesta carpeta do Flickr da AGPI.

Chega o XI Encontro Galego de Ilustración

17/10/2014

Cartel do Encontro, a cargo de Ajubel (deseño de Luis Sendón)

Lluís M. Abián, Ajubel e Nati Rodríguez, convidados deste ano


Todo está xa preparado para a undécima edición do Encontro Galego de Ilustración, que decorrerá, baixo a organización da AGPI, o próximo sábado 25 de outubro, no salón de actos do Centro Cultural Afundación (rúa do Vilar 19, 15705 Santiago de Compostela).

A xornada comezará ás 10:00 h con tres charlas centradas, desde diferentes perspectivas, no mundo do libro dixital e as aplicacións para dispositivos móbiles. A primeira intervención será a de Lluís M. Abián, ilustrador e editor, experto en edición dixital que xa desenvolveu cursos sobre este tema en lugares como Madrid e México. A súa charla titularase «Story-apps, cómics e libros dixitais: a experiencia de iLubuc».

Despois dun descanso para café ofrecido no propio local do Encontro, ás 11:45 chegará o relatorio de Ajubel, prestixioso ilustrador premiado en multitude de ocasións (como por exemplo na Feira de Boloña), e con ampla experiencia nos medios dixitais. O título da súa intervención será «Como ilustrar para as novas tecnoloxías».

Finalmente, contra as 13:00 h, Nati Rodríguez, responsable do desenvolvemento, a través da empresa i con i, de eventos como o Ilustratour, o Festival Ñam, o Máster en Álbum Ilustrado ou IlustraLab, falará sobre presente e futuro da ilustración na súa charla «Despregar as alas: o voo da ilustración».

Pola tarde haberá actividades reservadas aos socios da AGPI, como a asemblea xeral da asociación, e pola noite volverá a actividade aberta a todos os públicos, coa Festa do XI Encontro, que terá lugar no Embora Bar (rúa Tras San Fiz de Solovio 2, 15704 Santiago de Compostela). A festa incluirá o dobre concerto de Los Mecánicos (banda dedicada ás versións de clásicos dos 60) e Os Superheroes (especializada en versións de temas de series de animación).

Como complemento ao programa, tal e como se adiantaba hai uns días, o venres 24, ás 18:30 h, desenvolverase tamén unha clase maxistral impartida por Ajubel acerca do seu libro Robinson Crusoe. A clase será no mesmo lugar do Encontro (Centro Cultural Afundación), e terá un custo de 10 euros (5 euros para socios da AGPI). As prazas desta actividade (a única de pago no programa) son limitadas; as inscricións han de facerse mediante esta ligazón.

O programa completo pode descargarse aquí (PDF, 2,05 MB).

Clase maxistral de Ajubel

07/10/2014

Están xa a ultimarse os detalles para a undécima edición do Encontro Galego de Ilustración, que decorrerá en Santiago de Compostela o vindeiro 25 de outubro. Nos próximos días darase a coñecer o programa, pero pode avanzarse xa que o día anterior, o venres 24, a AGPI organiza tamén unha clase maxistral a cargo dun dos convidados do Encontro, o prestixioso ilustrador Ajubel, que falará durante dúas horas sobre o seu multipremiado libro Robinson Crusoe. A clase terá lugar ás 18:30 h, no salón de actos do Centro Cultural Afundación (rúa do Vilar 19, 15705 Santiago de Compostela).

O custo de inscrición é de 10 euros (5 euros para os socios da AGPI). As prazas son limitadas, e para inscribirse hai que seguir as instrucións que aparecen nesta ligazón.

Entrevista con Suso Cubeiro

29/10/2013

Nomeado socio de honra da AGPI o pasado sábado, Suso Cubeiro non só é un dos veteranos da ilustración en Galicia, senón que ten unha traxectoria multidisciplinar como poucos. Todo iso queda reflectido na entrevista realizada por Fernando Esclusa con ocasión da homenaxe, que agora reproducimos no Taboleiro da AGPI. O texto completo pode lerse aquí.

Na foto, a figura que lle foi entregada a Suso no transcurso do acto no Encontro Galego de Ilustración. Inspirada no logotipo da AGPI, está realizada por Laura Blanco.

Novo éxito do Encontro Galego de Ilustración

28/10/2013


Foto: Óscar Villán
Cunha afluencia de arredor de 70 persoas que encheron a sala onde se desenvolvían as actividades, o sábado pola mañá decorreu o décimo Encontro Galego de Ilustración. Á tarde, como estaba previsto, a Asemblea Xeral de Socios votou unha nova directiva —por aclamación, a partir dunha única candidatura—, que presidirá a ilustradora Marina Seoane. E pola noite, a Festa do Décimo Aniversario do Encontro encheu o Cachán Clube de Santiago. Na imaxe, o «Fotomatón» cos presentes no Encontro, tomado como de costume na praza da Quintana compostelá.

Actualización: Xa están dispoñibles no Flickr da AGPI as fotos da xornada.

Mañá, en Santiago, X Encontro Galego
de Ilustración

25/10/2013

Mañá, sábado 26 de outubro, a AGPI organiza o X Encontro Galego de Ilustración. A partir das 10:15 h, no Centro Cultural Fundación Novacaixagalicia en Santiago (rúa do Vilar 19, 15705 Santiago de Compostela), haberá charlas e mesas redondas, coa presenza dos humoristas gráficos Manel Fontdevila, Xaquín Marín e Luís Davila, ademais dunha homenaxe a Suso Cubeiro, que será nomeado socio de honra.

E pola noite, ás 22:00 h, está tamén prevista a Festa do Décimo Aniversario do Encontro Galego de Ilustración, no pub Cachán Clube (rúa dos Loureiros 16, 15782 Santiago de Compostela). A festa inclúe a presentación do número 2 de Compota de Manatí, un concerto de Banda Aparte, sorteos e concursos. Ambas as dúas actividades son abertas e gratuítas.

Máis información sobre o Encontro e o seu programa, aquí.