AGPI - Asociación Galega de Profesionais da Ilustración

Miss Haze
David Buceta

Buscador de Ilustradores

Listado de ilustradores

Noticias

Preséntase o Día da Ilustración 2017

25/01/2017


Cartel do Día da Ilustración 2017, a cargo de Perrilla

O Día da Ilustración 2017 presentouse esta mañá en Santiago de Compostela. O Día da Ilustración foi instituído pola Xunta de Galicia hai catro anos, como parte do seu Calendario do libro e da lectura, tomando a data do 30 de xaneiro, día de nacemento de Alfonso D. R. Castelao.

Este ano, por iniciativa da AGPI —que vén colaborando coa celebración desde o primeiro ano con pequenas actividades—, o Día da Ilustración vese reforzado coa homenaxe a un dos grandes ilustradores galegos históricos, Álvaro Cebreiro (A Coruña, 1903-1956), coa intención de que, ano tras ano, unha figura destacada da ilustración en Galicia reciba un merecido tributo para revalorizar a súa contribución á nosa cultura e á nosa sociedade.

Nesta ocasión, para celebrar o evento, a Biblioteca e Arquivo de Galicia organiza unha exposición, Cebreiro: o trazo da vangarda, centrada na súa obra. A mostra poderá visitarse ata o próximo 7 de marzo. Pola súa parte, a AGPI produciu, coa colaboración da Subdirección Xeral de Bibliotecas, un pequeno vídeo para a difusión da súa vida e obra en internet, especialmente nas redes sociais:


Vídeo ‘Cebreiro – Día da Ilustración 2017’, con guión de Alberto Guitián, imaxe de Isabel Vila e música de Roberto Casteleiro

O cartel da edición deste ano está a cargo da ilustradora Perrilla. No programa, que pode descargase desde esta ligazón, encontramos diversas actividades desenvolvidas nas bibliotecas galegas; entre elas, obradoiros de cómic e ilustración, a cargo de Iago García, María Sánchez Lires, Perrila, Noemí López e David Buceta, un curso titulado «Grandes ilustradores da historia», e exposicións bibliográficas e de ilustracións.

[Nota de prensa sobre a presentación na web de Cultura.]

Allariz Ilustrado: I Festival da Arte da Ilustración

18/01/2017

Primeira edición do Festival da Arte da Ilustración, ALLARIZ DEBUXADO, que será do 27 de xaneiro ó 28 de xaneiro no Salón de Actos do Fogar dos Maiores (Rúa Campo da Barreira - Allariz)

:: Venres, 27 de xaneiro:
>12.00 h. Presentación das xornadas
>12.15 h. DEBUXANDO ALLARIZ. Charla sobre cadernismo, a cargo de Isabell Seidel, cadernista. A continuación, obradoiro sobre cadernismo nas rúas e rutas de Allariz. Haberá unha interrupción para o xantar, e unha reunión final ás 18 h. para facer un balance do traballo realizado. As persoas que asistan ao obradoiro deberán traer o material de traballo oportuno (acuarela, rotuladores, papel ou caderno)

>19.00 h. ALLARIZ ILUSTRADO COMO IMAXE DE MARCA. Charla-coloquio a cargo de Miguel Robledo, ilustrador e historietista

>22.00 h. MICROPRESENTACIÓNS ILUSTRADAS. Oportunidade para afeccionados e profesionais para coñecerse e intercambiar proxectos, universos e ideas.

:: Sábado, 28 de xaneiro:
>10.30 h. FRASES ENCONTRADAS. Charla-obradoiro, a cargo de Juan Berrio, Ilustrador e historietista, Premio Fnac de novela gráfica 2012.
>17.00 h. EL ANIMALARIO VERTICAL: EL REGRESO DEL PROFESOR REVILLOD. Charla coloquio a cargo de Javier Sáez Castán, ilustrador Premio Nacional español de Ilustración 2016.

:: Durante todo o festival estará aberta a exposición CLÁSICOS RESETEADOS, por Miguel Robledo.
Na Galería Circular (Rúa das Lobariñas, 9).
* Todas as actividades son gratuítas e de libre asistencia.
+info e inscripcións en >> info@airadasletras.gal e airadasletras.gal.

MAZOKA: 2º MERCADO DE DEBUXO E ILUSTRACIÓN en Vitoria-Gasteiz

08/10/2016



O colectivo Ilustrapados en Araba volve a organizar Mazoka, que terá lugar novamente no antigo Depósito de Aguas de Vitoria-Gasteiz, do 16 ó 18 de Decembro.

Están buscando debuxantes para participar de forma gratuíta no mercado, coma o espazo limitado farán unha selección de 40 MAzokALAris. Os participantes poden ser profesionais ou non, locais ou de ámbito nacional e internacional, que traballen nos campos da ilustración, cómic, deseño, artesanía ou animación.
Durante os días previos á feira, o 14 e 15 de Decembro, inauguraranse dúas exposicións de Ilustración e se celebrarán as primeiras xornadas profesionais de Ilustración, coa presenza dun Premio Nacional de Ilustración. Durante a fin de semana e no desenvolvemento propio do festival gráfico Mazoka, se levarán a cabo distintas actividades paralelas relacionadas co mundo do debuxo e a ilustración, como obradoiros, o ilustramatón, intervencións e varias actuacións.

O prazo de inscripción remata o 16 de outubro. Podedes atopar máis información e formulario de inscripción en >> http://ilustrapados.org

Presentación de "Manual de escola", de Xosé Tomás

11/08/2016

Este xoves, 11 de agosto ás 18h, o noso socio Xosé Tomás presenta o seu libro "Manual de escola" nos Xardíns Méndez Nuñez de Coruña, no marco de Viñetas desde o Atlántico, acompañado de Javier Pintor (profesor de literarura, crítico literario e colaborador de prensa e radio)

Ademáis, Xosé Tomás está a impartir obradoiros de BD para nenos e maiores na Rúa da BD:
> Mércores 10, ás 11h (maiores 12 anos)
> Mércores 10, ás 12.30h (menores 12 anos)
> Venres 12, ás 11h (maiores 12 anos)
> Venres 12, ás 12.30h (menores 12 anos)

Comeza a Feira de Boloña con presencia da ilustración galega

03/04/2016

Desde o 4 ó 7 de abril ten lugar a Fiera del Libro per Ragazzi, feira de gran importancia para o mundo da ilustración, especialmente a ligada á literatura infantil e xuvenil, na cidade italiana de Boloña.

Novamente, o posto oficial promovido pola Xunta de Galicia dedica un espazo á ilustración, en colaboración coa AGPI. Nesa parte do stand está a proxectarase continuamente un bucle de imaxes de ilustradores da AGPI e hai acceso a exemplares do noso último catálogo, "Novas olladas sobre os clásicos universais". Expóñense exemplares de libros ilustrados por socios nosos no último ano, ademáis dunha exposición con ilustracións de varios dos socios: Alberto Guitián, Alberto García Ariza, Almudena Aparicio, Andrés Meixide, Carlos Rodil, Flavia Lago, José Gimeno, Iria Fafián, Iván Mourente, Javi Montes, Julia Gema, Kristina Sabaite, María Elisabeth, Marina Seoane, Marta Álvarez, Minia Regos, Nuria Díaz, Paula Mayor, Pedro Díaz, Perrilla Gatirrosa, Pinturero, Rodrigo Chao, Victoria Riveiro e Yupiyeyo.

Ademáis, contamos coa presencia das nosas socias Almudena Aparicio e Nuria Díaz, que impartirán obradoiros e dibuxarán en directo durante estes días.

XVII Salón do Libro Infantil e Xuvenil de Pontevedra

22/03/2016

Entre o 1 e o 23 de abril celébrase, no Pazo de Cultura de Pontevedra, o XVII Salón do Libro Infantil e Xuvenil, este ano, baixo o lema "Canta bichería!". Os animais serán os protagonistas este ano: domésticos, salvaxes, polares, nocturnos, acuáticos. Formigas, osos, cans e paxaros. De todas as partes do mundo, dos ecosistemas coñecidos e por coñecer. Reais, fantásticos!!
O cartel desta edición, para cuxo proceso de selección a organización contou coa AGPI, corre a cargo da nosa socia María Álvarez, "Yupiyeyo" Outra colaboración coa AGPI foi na selección de autores (os nosos socios Dani Padrón e Sandra Carmelo) para os manteis ilustrados de «Almorzos ilustrados», repartidos polos establecementos hostaleiros do centro histórico.
No extenso programa podedes atopar obradoiros, música, teatro, cine e varias actividades que teñen que ver coa ilustración.
> O  venres 1 de abril ás 19h o noso socio Anxo Fariña coordinará o obradoiro "Extravaganzza en Pontevedra".
> O sábado 2 de abril en dúas sesións (ás 11h e as 17h) se elaborará un libro xigante no que colaborarán ilustrando algúns dos nosos socios. Esta actividade esta organizada polo debuxante Víctor Rivas e a editorial Xerais.
> O venres 8 de abril ás 17.30h, a nosa socia "Yupiyeyo" (María Álvarez) impartirá o obradoiro "Fagamos un conto ilustrado". Este obradoiro repetirase o mércores 20 de abril no mesmo horario. > O domingo 17 de abril o noso socio Anxo Fariña impartirá o obradoiro "Camiño da Illa das Esculturas".
> O sábado 23 de abril ças 11.30h e 17.30h os rapaces farçan un "Contacontos debuxado", da man da nosa socia "Yupiyeyo" (María Álvarez)
>> Durante todo o salón podedes visitar a exposición das ilustracións de "As peripecias de Extravaganzza Pérez", do noso socio Oscar Villán.
Podedes consultar o programa completo na páxina do Salón aquí.

Taller de ilustración con Pablo Amargo
en Ourense

08/01/2016

Os próximos 29 e 30 de xaneiro La Plantación organiza no Centro Cultural Marcos Valcárcel (rúa do Progreso, 30, 32003 Ourense) o taller exprés «Desmontando ruidos», a cargo do ilustrador Pablo Amargo.

No taller, de 12 horas de duración, os participantes buscarán «a imaxe afinada, capaz de falar por si mesma sen distorsións innecesarias ou interferencias gratuítas». O venres 29, ademais, ás 20:15 ofrecerá unha conferencia aberta a todo o público interesado.

O prezo de inscrición é de 110 euros; os socios/as da AGPI gozan dun 10% de desconto sobre o prezo. A inscrición ha de realizarse antes do 22 de xaneiro. Pode encontrarse toda a información sobre o taller na web de La Plantación.

Foro de Deseño FEED 2015

03/11/2015

A Asociación Galega de Deseñadores (DAG) organiza para os días 20 e 21 de novembro a terceira edición do seu foro bienal de deseño, FEED 2015. Terán lugar no auditorio de Expo Coruña e mais na Fundación Luís Seoane, na Coruña, e contarán con charlas e talleres a cargo de Massimo Menichinelli, Pepe Barro, Miguel Sabel, Óscar Otero, Javier Cañada, Marta Verde, Álvaro Valiño e Raquel Pelta.

Existen varios tipos de entrada (dependendo do número de charlas ou talleres a que se queira asistir), e os socios da AGPI gozan da tarifa reducida en todos os casos.

Máis información, na nota de prensa da presentación do foro.

Taller con Isidro Ferrer en Galicia

30/09/2015

Os próximos 23, 24 e 25 de outubro desenvolverase o taller de campo «Elogio del desorden», a cargo de Isidro Ferrer. O prezo, 290 euros, inclúe aloxamento en pensión completa e mais un circuíto temal. Será en La Plantación, Casa dos Muros, Paderne (Ferreira de Pantón, Lugo).

Os socios da AGPI poden beneficiarse dun desconto do 10% se se inscriben antes do 8 de outubro (para ese desconto hai que contactar previamente coa asociación).

Taller de cómic con Fran Bueno en Santiago

25/09/2015

O noso socio Fran Bueno vai impartir en KTN (Avda. Romero Donallo, 17-entr. B, 15706 Santiago de Compostela) un taller de cómic dividido en catro clases de dúas horas.

O taller trarará sobre a creación dunha páxina en branco e negro, e será os martes do mes de outubro, de 19:00 a 21:00. O prezo de inscrición é de 80 euros. Todos os detalles poden encontrarse nesta ligazón.