AGPI - Asociación Galega de Profesionais da Ilustración

Brontes
Lizartonne

Buscador de Ilustradores

Listado de ilustradores

Noticias

Pablo Auladell, Premio Nacional do Cómic 2016

27/10/2016

 Pablo Auladell foi galardoado hoxe co Premio Nacional do Cómic 2016 pola súa obra El paraíso perdido. O xurado escolleu esta obra, inspirada no poema homónimo de John Milton, por «o gran valor artístico e a forza visual inspirada pola intemporal visión de Milton, o seu tratamento da cor, o uso orixinal da iconografía e a narrativa, que consegue ao mesmo tempo ser arquetípica e plenamente actual». O premio, concedido polo Ministerio de Educación, Cultura e Deporte, está dotado con 20.000 euros e ten como obxecto «distinguir a mellor obra desta especialidade publicada en calquera das linguas do Estado durante o ano 2015».

Pablo Auladell (Alacante, 1972) é docente do Master Ars in Fabula e da AIF Summer School en Macerata (Italia). Ten ilustrado máis de trinta álbums, novelas e cómics, e a súa obra ten sido exposta en galerías e feiras de Madrid, Barcelona, Roma, Boloña e Xenebra. Co seu primeiro álbum de BD, El camino del titiritero, foi finalista na categoría de Autor revelación no Salón de Barcelona de 2002. En 2006 obtivo ese mesmo premio por La Torre Blanca (2005). Tamén foi recoñecido co premio do Ministerio de Cultura ás Mellores Ilustracións de Libros Infantís e Xuvenís en 2005 por Peiter, Peter y Peer y otros cuentos, de Hans Christian Andersen.

O xurado, presidido polo director xeral de Política e Industrias Culturais e do Libro, José Pascual Marco, e coa subdirectora xeral de Promoción do Libro, Mónica Fernández, como vicepresidenta, estivo composto por Juan Díaz Canales, un dos autores galardoados en 2014; Ulises Ponce, designado pola AACE; Mamen Moreu, pola Federación de Asociaciones de Ilustradores Profesionales (FADIP) —á que pertence á AGPI—; Eva Cosculluela, pola CEGAL; Anna Abella, pola Asociación de Críticos y Divulgadores de Cómic; Juan Bordes, pola Real Academia de Bellas Artes de San Fernando; Elisa MacCausland, pola FAPE; María Soledad Sánchez, polo Instituto de Investigaciones Feministas de la Universidad Complutense de Madrid; e Gerardo Vilches, polo ministro de Educación, Cultura e Deporte.

ENCONTRO DE PROFESIONAIS DE CÓMIC E ILUSTRACIÓN EN SANTANDER

08/10/2016



Desde Euskal Irudigileak Apie (Asociación Profesional de Ilustradores de Euskadi) en colaboración coa Librería Nexus (Santander) e a librería Joker (Bilbao), convidannos a asistir ao 1er CONGRESO EN SANTANDER DE PROFESIONAIS DE CÓMIC E ILUSTRACIÓN, que se celebrará o 22 de outubro no Palacio da Magdalena de Santander.

A finalidade do congreso é facer un analise da realidade da ilustración no noso país, ademáis de dar a coñocer aos asistentes a forma de desenvolver profesionalmente a actividade no mundo do cómic, achegandolles aos diferentes axentes que interveñen na edición.

Contarán coa presenza de editores internacionais (Greg Lockart, de DC Cómics) como nacionais ( Fernando Tarancón, Astiberri; Ricardo Esteban, Dibbuks), así como axentes asentados no cómic americano como Edu Alpuente e Alberto Garrido.   

O Premio Nacional de Ilustración, José Ramón Sánchez, dará unha charla, ademáis de contar cunha exposición dos seus libros ilustrados. Tamén se fará mención a iniciativa de Estrella Galicia no seu 110 aniversario, na que aposta polos autores de cómic e ilustración.

A asistencia ao Congreso é gratuita para todos os ilustradores e ilustradoras que o soliciten, antes do 17 de outubro, enviando un correo  info@euskalirudigileak.com, indicando nome, apelidos, email e teléfono móbil de contacto.

Trataranse, ademais, temas que preocupan aos profesionais como a asesoría fiscal, con Emilio Gonzalo Maio, os dereitos de autor na era dixital con deloyers.com, os micromachismos no cómic con Carla Berrocal, Como vivir (con saúde) do cómic con David Enebral, que nos contará a súa experiencia en Marvel Cómics, as verdades e mentiras do mundo da distribución, con representantes de SD distribucións e a educación postural e técnica de traballo con Iñaki Zubizarreta.

Máis información >> http://euskalirudigileak.com/1er-congreso-en-santander-de-profesionales-de-comic-e-ilustracion/

Exposición de Emma Ríos

30/09/2016



Exposición Bella Muerte de Emma Ríos, organizada no marco de FKM, Festival de Cinema Fantástico da Coruña, na súa 8ª edición. A exposición consiste nun conxunto de 72 obras orixinais a tinta pertencentes á primeira e segunda parte (inédita en España) do libro homónimo e outras obras de I.D., o seu último traballo persoal. Esta exposición complétase cunha intervención mural realizada pola artista na mesma sala.

A inauguración terá lugar este sábado 1 de outubro ás 13h na Fundación Luís Seoane (Rúa San Francisco, 27 - A Coruña). Alí a autora compartirá a súa experiencia e asinará exemplares da súa obra. Ademais poderedes degustar a cervexa artesá de trigo Bandua, amenizada cunha selección musical da propia autora.

Exposición do ilustrador Jano

30/09/2016


Podedes visitar a exposición de Jano
, na que, ademáis dunha mostra dos seus traballos, podedes atopar probas de impresión e edicións limitadas.
Inaugurouse o pasado xoves 29 de Setembro, na coctelería-restaurante-pub Belmont ( Rúa Trabajo, 13 - A Coruña )

Chega o Autobán 2016!

11/08/2016



Xa queda moi pouquiño para o Autobán!
Autobán é o minifestival de autoedición de Coruña, que este ano celebrarase en Nave 1839 desde a tarde do venres 12 de agosto á noite do sábado 13.

Venres 12
> O venres comeza co BRILÉ BRUTAL, un mundialillo do popular xogo, entre os participantes no Autobán e aqueles que queiran apuntarse (enviando correo a autoban.bd@gmail.com).

> A continuación AUTOCINE e AUTOBOMBO, actividades que irán intercaladas. O AUTOCINE será unha sesión de curtos de animación na que contamos con "Viaxe a pés" (2015) de Khris Cembe, "Astigmatismo" de Nicolai Troshinsky e Decorado (2016) de Alberto Vázquez, que fará unha presentación do seu curto.
O AUTOBOMBO son unha serie de presentacións rápidas a cargo de diversos participantes no Autobán, en formato 15x15 (15 imaxes por presentación, 15 segundos por imaxe).

Sábado 13
> O sábado comezase o MERCADILLO DE FANZINES ás 12:00, que se prolongará ata as 21:30.

> Ás 13 H. se celebra o MINIBÁN, unha actividade para todos os públicos, e especialmente para a chavalada. Consistirá nesta ocasión en tres microconciertos de bandas locais adaptados especialmente para público infantil.

> A partir das 14 H. haberá SESIÓN VERMÚ, DUELO DE DJs e COMIDA ECONÓMICA. Podedes comer no Autobán e gozar de boa música nun duelo épico de Miss Gozamales VS Beaal.
> Ás 17 H. PRESENTACIÓN de Guía Ninja de AGPI, a cargo de Alberto Guitián.
> Ás 18 H. MESA REDONDA Non nos mires, úneche!: Cultura alternativa e autogestión, con Sara Roca (Nave 1839), Miguel Porto (Bosquexo), Tonecho Otero (Freakemacine), Bernal Prieto (Autobán), moderados por Sira González.
> Ás 20 H. COMITÉ DE SABIOS Reunión no cume: revista de actualidade sobre BD con Emma Ríos (autora de cómics), Simón Branco (libreiro do Sindicato do Cómic), Señor B (crítico en Metrópoles Delirantes). Modera Óscar Iglesias.
> A partir das 22:30 comezará o COMBATE DE DEBUXANTES

>> Todas as actividades son gratuítas e de entrada libre.
>> Podedes consultar a programación completa do Autobán 2016 nesta ligazón

Firma de "O Gato Lunar", por Talía Perrilla

11/08/2016


Este xoves ás 19h a nosa socia Talía Perrilla estará a firmar exemplares de "O Gato Lunar", a súa primeira autopublicación, no caseta de AGPI en Viñetas desde o Atlántico.
Trátase dun cómic en branco e negro de 60 páxinas que conta a historia de Lunar, un gatito soñador que vive alleo ao mundo que lle rodea, e do seu precioso e adorado colar "Candadito"...
Este "cuquicómic" está á venda na propia caseta de AGPI ata o venres ou no mercadillo de fanzines do Autobán BD do sábado 13 de agosto, de 12-21.30h en Nave 1839.

Firma de exemplares de Antonio Seijas

11/08/2016



O noso socio Antonio Seijas estará a asinar exemplares das súas últimas obras no marco de Viñetas desde o Atlántico de A Coruña: "La luz", "Cartas de inverno" e "Un hombre feliz". Será o xoves 11 de agosto, ás 18h, na caseta de Edicións de Ponent, na Rúa da BD.

Presentación do número 5 de Altar Mutante

08/08/2016

Nova entrega de
Altar Mutante, fanzine de ciencia ficción e terror, no que participan participan habituais da escena galaica como Debelius, Santy, Xulia Pisón, Diego Sendón, Xavier Pena, Manel Cráneo, Super C, Kike Benlloch, Roberto Díez, Juan Vidal, Luís Sendón ou Álvaro López acompañados por invitados de galaxias próximas como Suki, Crhistian Giuseppe, Amelia Navarro, Josep F. Rico, Don Rogelio J, ou Pedro Villarejo.

Durante esta semana, podedes facervos có número na caseta de AGPI, no Viñetas desde o Atlántico ou o sábado durante o Autobán BD na Nave 1839 (Estación tren - A Coruña)
O martes 9 ás 20,00 na Cervezoteca Malte (R/ Galera, 47 - A Coruña), farase a presentación oficial, onde, ademáis de poder comprar este fanzine, se inaugura unha exposición que durará ata o 31 de agosto, e na que se mostran algúns dos ferros orixinais que foron aparecendo no fanzine.
A partir da semana que vén podedes facer os vosos pedidos a través do correo: altarmutante@yahoo.es

Viñetas desde o Atlántico 2016

08/08/2016


Nova edición do Salón Internacional do Cómic Viñetas desde o Atlántico, do 8 ó 14 de agosto en A Coruña.

Nunha postura analítica e crítica sitúanse varios dos autores invitados: Cristina Bueno, que aborda a realidade dos desfiuzamentos en Aquí vivió: historia de un desahucio; Nadar, coa súa novela autobiográfica El mundo a sus pies, sobre as vivencias dun parado; Jorge González, que tratou en varias ocasións os efectos sociais das ditaduras iberoamericanas do XX; ou o guionista Juan Díaz Canales, con Como viaja el agua.

Os afeccionados ás historias do universo da Patrulla X poderán gozar da presenza dun dos alma máter destes personaxes, Chris Claremont, responsable de rexir os destinos de Cíclope, Lobezno,Tormenta, Mística e Magneto durante os dezaséis anos mais fecundos desta tropa.

Poderemos ver os orixinais de Bajo el sol de Medianoche, do Corto Maltés, de Rubén Pellejero e Juan Díaz Canales, unha obra respetuosa cos lectores e coa memoria de Hugo Pratt, creador da personaxe. Canales, expoñerá a súa primeira obra como guionista e debuxante, Como viaja el agua, protagonizada por dous anciáns marxinados. Entre os convidados está Jorge González, Premio Internacional de Novela Gráfica Fnac-Sins Entido con Fueye, autor de Las gaviotas son felices, e de Hate Jazz en colaboración con Horacio Antuna. Tamén estará Daniel Torres, mostrando o proceso creativo da súa obra La Casa, na que fai un percorrido pola Historia da Humanidade a través das súas vivendas.

Un dos creadores galegos invitados é Ramón Marcos, nome destacado en Opiumou Galimatías, e debuxante de obras como Vida de nai ou Operación mascota, dentro da serie Silvana, a filla do explorador.

A Sala de Exposicións Salvador de Madariaga, acollerá os orixinais dos Premios Castelao de Banda Deseñada dos anos 2014 e 2015: O inferno do debuxante de Kiko DaSilva e A carreta do diaño de Fernando Llorente. E na Torre de Hércules podedes visitar a exposición Viñetas na Torre: 19 carteis das edicións de Viñetas desde o Atlántico.

Miguelanxo Prado e David Rubín rinden homenaxe a Miguel de Cervantes na exposición Miguel de Cervantes/ El retablo de las Maravillas, conmemorativa do IV Centenario de la Muerte de Cervantes, na Sala de Exposicións do Palacio Municipal de María Pita.

Na exposición “A voz do vento”, no Centro Ágora, Jano ilustra poemas de Manuel María.

A imaxe do Viñetas 2016 é una creación do debuxante Keko. Xunto co cartel, hai outros dous elementos esenciais de Viñetas desde o Atlántico: a gran familia de personaxes que tomarán estes días as rúas e a feira da historieta. As casetas coas últimas novidades editoriais, tomarán o Paseo das Palmeiras transformándoo na Rúa da BD cun amplo programa de obradoiros, entretemento e encontros comerciais cos autores. Alí poderedes atopar a caseta da Agpi, con información, láminas e fanzines dos socios, ademáis de ser punto de venta e recollida da Guía Ninja para ilustradores.

Faladoiro de Antonio Seijas na Biblioteca Forum

07/06/2016

O noso socio Antonio Seijas, ilustrador e autor de banda deseñada, participará nun faladoiro dentro das actividades incluídas na programación da mostra bibliográfica IlustrArte.
Neste faladoiro, fará un recorrido sobre a súa obra, aportando imaxes dos seus traballos, tanto cubertas de discos, libros, literatura infantil e xuvenil e pintura, coma dos seus últimos proxectos, así como do proceso de creación dos seus álbums de banda deseñada: “Un Hombre Feliz” (Premiado no Certame Castelao da Deputación da Coruña e Premio ao mellor guión no Saló de Cómic de Barcelona por votación popular), “Cartas de Inverno” adaptación da obra de Agustín Fernández Paz e Premio Isaac Diaz Pardo ao mellor libro ilustrado en Galicia 2012 pola Asociación Galega de Editores, e “A LUZ” Nomeada a Mellor Obra Española do 2014 nos Premios Expocómic. Ademáis responderá a todas as cuestión que os asistentes lle expoñan.

Entrada é gratuita e ata completar aforo.
8 de xuño, 19 h.
Biblioteca Forum - Rúa Río Monelos, 1 - A Coruña