AGPI - Asociación Galega de Profesionais da Ilustración

Dragones y Mazmorras
Bernal Prieto

Buscador de Ilustradores

Listado de ilustradores

Noticias

Charla Ninja na MiiC
con David Rubín e Alberto Guitián

18/04/2017


.
A MiiC (Mostra Internacional de Ilustración Contemporánea, que se desenvolve en Santiago de Compostela ata o mes de xuño) acolle unha Charla Ninja organizada pola AGPI. Nela, David Rubín e Alberto Guitián repasarán o Decálogo Ninja do ilustrador, achegando as súas experiencias e anécdotas como profesionais da ilustración. Será na sala Mozart do Auditorio de Galicia (Av. do Burgo das Nacións, s/n, 15704 Santiago de Compostela), este sábado, 22 de abril, ás 12:30, con entrada libre ata completar o aforo.

A charla é un complemento da exposición «Guía Ninja do Ilustrador», espazo dentro da MiiC que repasa os obxectivos, os contidos e a boa acollida desta campaña da AGPI, que neste mes de abril cumpre o seu primeiro aniversario. Rubín e Guitián abordarán de xeito moi visual os actuais retos dos creadores freelance, como a protección e a xestión dos dereitos de autor no mercado global ou a defensa fronte plaxios ou prácticas especulativas.

A Charla Ninja MiiC e a campaña «Guía Ninja do ilustrador» contan co apoio da Consellería de Cultura, Educación e Ordenación Universitaria da Xunta de Galicia.

Cidade Creativa 2017

30/03/2017

Cidade Creativa quere ser un mercado de creación diferente, un punto de encontro para que os que traballan no eido creativo e cultural poidan dar a coñecer os seus produtos e servicios dunha forma máis vivencial que o que permiten os tradicionais 'networkings', e onde ademáis de visibilizar ás máis de 50 empresas que diaramente conviven no Centro de Emprendemento Gaiás - CEM (e todas aquelas que se animen a participar) se podan establecer sinerxias entre emprendedores, axentes e cidadanía.

Arte, artesanía, música, deseño, artes vivas, creación multidisciplinar e intercambio de coñecementos serán os eixes centrais desta cita que contará con dous tempos: xornada de mañá e comida para profesionais e xornada de tarde aberta ao público.

Xoves, 30 de Marzo na Sala Eisenman da Cidade da Cultura de Galicia, en Santiago de Compostela.

Máis información en 7Hcoop@7Hcoop.es

Nova edición de Autobom

29/03/2017

Este sábado 1 de abril ten lugar unha nova edición do Autobom, festival de autoedición, en Nave 1839 (Estación de tren de A Coruña).

Durante ese día terán lugar varias actividades relacionadas co mundo do cómic e ilustración:

+16:30 - Sesión vermú con música e picoteo.

+17:30 - AutoLab para realizar cómic experimental e colaborativo.

+18:30 - Mesa redonda sobre liberdade de expresión no campo da ilustración, con Guitián, Leandro e Sekone moderados por Edu Maroño.

+ 20:00 - Autocine (catro curtos de animación independentes)

+ 21:00 - III Akelarre Mutante: concertos ilustrados de BravuBoy (Pulpiño Viascón) e Strikeback, debuxados por Sara Roca e Álvaro López respectivamente.

As actividades son gratuítas salvo os concertos, que recibirán un donativo de 5 a 10€ (a recadación será para os grupos e ilustradores).

2ª edición do Libro Xigante

15/03/2017

Segunda edición de O Libro Xigante, iniciativa do ilustrador Víctor Rivas, no marco do XVIII Salón do Libro Infantil e Xuvenil de Pontevedra.

Unha actividade no que un grupo de ilustrador@s profesionais debuxan en directo os contos feitos por rapac@s, para despois encuadernarse nun Libro Xigante.

Este ano participan como ilustrador@s e rotulistas: Carlos Trigo, Beatriz Torres (Zirta), MElizabeth Rodriguez (Molita), Ines Casarejos Comesaña, Ignacio Hernandez, Luz Beloso, Victor Rivas, Saray Garcia e Michel Casado Na corrección ó galego, Miguel Ángel Alonso Diz. Coordina a actividade Esther Vázquez.

Sábado 18 de marzo, 11h. a 14 h. e 17 h a 20 h. no Pazo de Cultura de Pontevedra. A partir de 5 anos. Entrada libre ata completar cabida.

XVIII Salón do Libro Infantil e Xuvenil de Pontevedra

09/03/2017

Entre o 10 de marzo e o 2 de abril desenvólvese, no Pazo de Cultura de Pontevedra, o XVIII Salón do Libro Infantil e Xuvenil, este ano baixo o lema «O mundo que queremos».

O lema, lonxe de ser unha utopía, pretende aunar aportacións reais, tanxibles e factibles para construir ese mundo mellor. Englobando temas como o coidado do medio ambiente, a saúde, a integración e a igualdade, cuestións como accesibilidade e a mobilidade, o respecto , a inmigración ou a vellez, a solidariedade, a investigación en todos os seus ámbitos etc.

O cartel desta edición é obra de Alba Blanco. A AGPI colaborou na selección de autores (os nosos socios Viki Berre e Cestola na Cachola) para os manteis ilustrados de «Almorzos ilustrados», repartidos polos establecementos hostaleiros do centro histórico.

No extenso programa podedes atopar obradoiros, música, teatro, cine e varias actividades que teñen que ver coa ilustración.

Podedes consultar o programa completo na páxina do Salón aquí.

Preséntase o Día da Ilustración 2017

25/01/2017


Cartel do Día da Ilustración 2017, a cargo de Perrilla

O Día da Ilustración 2017 presentouse esta mañá en Santiago de Compostela. O Día da Ilustración foi instituído pola Xunta de Galicia hai catro anos, como parte do seu Calendario do libro e da lectura, tomando a data do 30 de xaneiro, día de nacemento de Alfonso D. R. Castelao.

Este ano, por iniciativa da AGPI —que vén colaborando coa celebración desde o primeiro ano con pequenas actividades—, o Día da Ilustración vese reforzado coa homenaxe a un dos grandes ilustradores galegos históricos, Álvaro Cebreiro (A Coruña, 1903-1956), coa intención de que, ano tras ano, unha figura destacada da ilustración en Galicia reciba un merecido tributo para revalorizar a súa contribución á nosa cultura e á nosa sociedade.

Nesta ocasión, para celebrar o evento, a Biblioteca e Arquivo de Galicia organiza unha exposición, Cebreiro: o trazo da vangarda, centrada na súa obra. A mostra poderá visitarse ata o próximo 7 de marzo. Pola súa parte, a AGPI produciu, coa colaboración da Subdirección Xeral de Bibliotecas, un pequeno vídeo para a difusión da súa vida e obra en internet, especialmente nas redes sociais:


Vídeo ‘Cebreiro – Día da Ilustración 2017’, con guión de Alberto Guitián, imaxe de Isabel Vila e música de Roberto Casteleiro

O cartel da edición deste ano está a cargo da ilustradora Perrilla. No programa, que pode descargase desde esta ligazón, encontramos diversas actividades desenvolvidas nas bibliotecas galegas; entre elas, obradoiros de cómic e ilustración, a cargo de Iago García, María Sánchez Lires, Perrila, Noemí López e David Buceta, un curso titulado «Grandes ilustradores da historia», e exposicións bibliográficas e de ilustracións.

[Nota de prensa sobre a presentación na web de Cultura.]

Allariz Ilustrado: I Festival da Arte da Ilustración

18/01/2017

Primeira edición do Festival da Arte da Ilustración, ALLARIZ DEBUXADO, que será do 27 de xaneiro ó 28 de xaneiro no Salón de Actos do Fogar dos Maiores (Rúa Campo da Barreira - Allariz)

:: Venres, 27 de xaneiro:
>12.00 h. Presentación das xornadas
>12.15 h. DEBUXANDO ALLARIZ. Charla sobre cadernismo, a cargo de Isabell Seidel, cadernista. A continuación, obradoiro sobre cadernismo nas rúas e rutas de Allariz. Haberá unha interrupción para o xantar, e unha reunión final ás 18 h. para facer un balance do traballo realizado. As persoas que asistan ao obradoiro deberán traer o material de traballo oportuno (acuarela, rotuladores, papel ou caderno)

>19.00 h. ALLARIZ ILUSTRADO COMO IMAXE DE MARCA. Charla-coloquio a cargo de Miguel Robledo, ilustrador e historietista

>22.00 h. MICROPRESENTACIÓNS ILUSTRADAS. Oportunidade para afeccionados e profesionais para coñecerse e intercambiar proxectos, universos e ideas.

:: Sábado, 28 de xaneiro:
>10.30 h. FRASES ENCONTRADAS. Charla-obradoiro, a cargo de Juan Berrio, Ilustrador e historietista, Premio Fnac de novela gráfica 2012.
>17.00 h. EL ANIMALARIO VERTICAL: EL REGRESO DEL PROFESOR REVILLOD. Charla coloquio a cargo de Javier Sáez Castán, ilustrador Premio Nacional español de Ilustración 2016.

:: Durante todo o festival estará aberta a exposición CLÁSICOS RESETEADOS, por Miguel Robledo.
Na Galería Circular (Rúa das Lobariñas, 9).
* Todas as actividades son gratuítas e de libre asistencia.
+info e inscripcións en >> info@airadasletras.gal e airadasletras.gal.

Charla Ninja en Ourense

02/11/2016

Continúa o ciclo de charlas ninja que AGPI organiza este outono nas tres escolas de arte galegas que imparten formación en ilustración.

Próxima CHARLA NINJA: venres 4 de novembro en Ourense na Escola de Arte Antonio Faílde (Avda. da Universidade, nº 18) ás 12:00 h, cos senseis Fran Bueno e Guitián.

ENCONTRO DE PROFESIONAIS DE CÓMIC E ILUSTRACIÓN EN SANTANDER

08/10/2016



Desde Euskal Irudigileak Apie (Asociación Profesional de Ilustradores de Euskadi) en colaboración coa Librería Nexus (Santander) e a librería Joker (Bilbao), convidannos a asistir ao 1er CONGRESO EN SANTANDER DE PROFESIONAIS DE CÓMIC E ILUSTRACIÓN, que se celebrará o 22 de outubro no Palacio da Magdalena de Santander.

A finalidade do congreso é facer un analise da realidade da ilustración no noso país, ademáis de dar a coñocer aos asistentes a forma de desenvolver profesionalmente a actividade no mundo do cómic, achegandolles aos diferentes axentes que interveñen na edición.

Contarán coa presenza de editores internacionais (Greg Lockart, de DC Cómics) como nacionais ( Fernando Tarancón, Astiberri; Ricardo Esteban, Dibbuks), así como axentes asentados no cómic americano como Edu Alpuente e Alberto Garrido.   

O Premio Nacional de Ilustración, José Ramón Sánchez, dará unha charla, ademáis de contar cunha exposición dos seus libros ilustrados. Tamén se fará mención a iniciativa de Estrella Galicia no seu 110 aniversario, na que aposta polos autores de cómic e ilustración.

A asistencia ao Congreso é gratuita para todos os ilustradores e ilustradoras que o soliciten, antes do 17 de outubro, enviando un correo  info@euskalirudigileak.com, indicando nome, apelidos, email e teléfono móbil de contacto.

Trataranse, ademais, temas que preocupan aos profesionais como a asesoría fiscal, con Emilio Gonzalo Maio, os dereitos de autor na era dixital con deloyers.com, os micromachismos no cómic con Carla Berrocal, Como vivir (con saúde) do cómic con David Enebral, que nos contará a súa experiencia en Marvel Cómics, as verdades e mentiras do mundo da distribución, con representantes de SD distribucións e a educación postural e técnica de traballo con Iñaki Zubizarreta.

Máis información >> http://euskalirudigileak.com/1er-congreso-en-santander-de-profesionales-de-comic-e-ilustracion/

MAZOKA: 2º MERCADO DE DEBUXO E ILUSTRACIÓN en Vitoria-Gasteiz

08/10/2016



O colectivo Ilustrapados en Araba volve a organizar Mazoka, que terá lugar novamente no antigo Depósito de Aguas de Vitoria-Gasteiz, do 16 ó 18 de Decembro.

Están buscando debuxantes para participar de forma gratuíta no mercado, coma o espazo limitado farán unha selección de 40 MAzokALAris. Os participantes poden ser profesionais ou non, locais ou de ámbito nacional e internacional, que traballen nos campos da ilustración, cómic, deseño, artesanía ou animación.
Durante os días previos á feira, o 14 e 15 de Decembro, inauguraranse dúas exposicións de Ilustración e se celebrarán as primeiras xornadas profesionais de Ilustración, coa presenza dun Premio Nacional de Ilustración. Durante a fin de semana e no desenvolvemento propio do festival gráfico Mazoka, se levarán a cabo distintas actividades paralelas relacionadas co mundo do debuxo e a ilustración, como obradoiros, o ilustramatón, intervencións e varias actuacións.

O prazo de inscripción remata o 16 de outubro. Podedes atopar máis información e formulario de inscripción en >> http://ilustrapados.org